នាយឧត្តមសេនីយ៍ នេត សាវឿន ដឹកនាំកិច្ចប្រជុំយុទ្ធនាការបង្ការ ទប់ស្កាត់ និងបង្ក្រាបបទល្មើសគ្រឿងញៀន តាមបណ្តាព្រំដែនកម្ពុជា-វៀតណាម
22-July-2019 | ដោយ ពលមនសិការ
ភ្នំពេញ៖ នៅព្រឹកថ្ងៃទី២២ ខែកក្កដា ឆ្នាំ២០១៩ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ តំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដឹកនាំកិច្ចប្រជុំយុទ្ធនាការបង្ការ ទប់ស្កាត់ និងបង្ក្រាបបទល្មើសគ្រឿងញៀន តាមបណ្តាព្រំដែនកម្ពុជា-វៀតណាម។
ថ្លែងនៅក្នុងកិច្ចប្រជុំខាងលើឯកឧត្តម នាយឧត្តមសេនីយ៍ មានប្រសាសន៍ថា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ការផ្តាំផ្ញើមាន៣ចំណុចរួមមាន៖
១-ត្រូវបើការបង្ក្រាប ឱ្យបានកន្លែងក្លឹបកំសាន្តដែលប្រើប្រាស់គ្រឿងញៀន។
២-ត្រូវបើកយុទ្ធនាការបង្ក្រាបកន្លែងទីតាំងលួចផ្សំ លួចច្នៃគ្រឿងញៀននៅក្នុងទឹកដីកម្ពុជា។
៣-ការនាំចូលគ្រឿងញៀនពីក្រៅចូលមកកម្ពុជា(ការនាំចូលតាមទិសភូមិភាគឦសាន តាមច្រកផ្លូវគោក ពាក់ព័ន្ធខេត្តចំនួន៣។
ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ មានប្រសាសន៍បន្តថាដើម្បីពង្រឹងវិធានការអនុវត្តច្បាប់ និងបង្កើនវិធានការជំនាញ៖
-បណ្តាអង្គភាពជំនាញនានានៅតាមច្រកទ្វារព្រំដែន (មន្ត្រីអន្តោប្រវេសន៍ ភ្នាក់ងារគយ-រដ្ឋាករ) ត្រូវយកចិត្តទុកដាក់ក្តាប់សភាពការណ៍ និងប្រមូលព័ត៌មាន ដើម្បីម្ចាស់ការត្រួតពិនិត្យ និងចាត់វិធានការ សហការបង្ការទប់ស្កាត់ និងបង្ក្រាបបទល្មើសគ្រឿងញៀនឆ្លងកាត់ព្រំដែនកម្ពុជា-វៀតណាម ឲ្យមានប្រសិទ្ធភាពខ្ពស់។
- វរៈសេនាតូចនគរបាលការពារព្រំដែន ត្រូវបង្កើនសកម្មភាពល្បាតត្រួតពិនិត្យគ្រប់គ្រងសភាពការណ៍បទ
ល្មើសឲ្យបានហ្មត់ចត់ លុបបំបាត់ឱកាសនៃការលួចធ្វើសកម្មភាពដឹកជញ្ជូនគ្រឿងញៀនឆ្លងកាត់ព្រំដែនប្រទេស
ទាំងពីរ ជាពិសេសត្រូវយកចិត្តទុកដាក់ឃ្លាំមើលជាប្រចាំ នៅតាមភូមិសាស្ត្រស្មុគស្មាញនានាដែលបង្កលក្ខណៈ
អំណោយផលដល់ពួកឧក្រិដ្ឋជនធ្វើសកម្មភាព។ ជាមួយគ្នានេះ ត្រូវរៀបចំឲ្យមានប្រព័ន្ធទំនាក់ទំនងព័ត៌មាន
បន្ទាន់ជាមួយសមភាគីវៀតណាម ដើម្បីក្តាប់សភាពការណ៍ និងមានវិធានការសហការ ទប់ស្កាត់សកម្មភាព
បទល្មើសគ្រឿងញៀនទាន់ពេលវេលា។
- ស្នងការដ្ឋាននគរបាលខេត្តជាប់ព្រំដែនកម្ពុជា-វៀតណាម ត្រូវ៖
+រៀបចំផែនទីរួម ដើម្បីតាមដាន វាយតម្លៃកំណត់ភូមិសាស្ត្រអាទិភាពក្នុងការប្រមូលផ្តុំដឹកនាំកម្លាំងជំនាញ
- បង្កើនសកម្មភាពស្រាវជ្រាវ ប្រមូលព័ត៌មានពាក់ព័ន្ធបទល្មើសគ្រឿងញៀនក្នុងភូមិសាស្ត្រខ្សែបន្ទាត់ព្រំដែន
ដើម្បីក្តាប់ភូមិសាស្ត្រនៃការចរាចរណ៍លួចដឹកជញ្ជូនគ្រឿងញៀនឆ្លងកាត់ព្រំដែនទៅមក និងមានវិធានការ
ដោះស្រាយ បង្ក្រាបបានទាន់ពេលវេលា។
+បង្កើនការកសាងភ្នាក់ងារផ្តល់ព័ត៌មានឲ្យមានគុណភាពខ្ពស់ និងបញ្ហាបកម្លាំងទាំងនេះនៅគោលដៅ
សំខាន់ៗតាមបណ្តោយព្រំដែនដែលអាច ឬងាយកើតឡើងនូវបទល្មើសគ្រឿងញៀន ។
- មន្ទីរប្រឆាំងបទល្មើសគ្រឿងញៀន និងស្នងការដ្ឋាននគរបាលខេត្តជាប់ព្រំដែនកម្ពុជា-វៀតណាម ត្រូវ៖
+បង្កើតនូវយន្តការប្រចាំបញ្ជាអចិន្ត្រៃយ៍ ដើម្បីក្តាប់សភាពការណ៍ ប្រមូលព័ត៌មាន និងដាក់ចេញវិធានការ
បញ្ជាដឹកនាំ បង្ក្រាបបទល្មើសគ្រឿងញៀនទាន់ពេលវេលា។
+ប្រមូលចងក្រង គ្រប់គ្រង និងធ្វើបច្ចុប្បន្នភាពជាប់ជាប្រចាំ មុខសញ្ញាល្មើសគ្រប់ប្រភេទ ក្នុងនោះមុខសញ្ញាបទល្មើសគ្រឿងញៀនតំបន់ព្រំដែនកម្ពុជា-វៀតណាម ត្រូវបែងចែកការគ្រប់គ្រងតាមដានមានការទទួលខុសត្រូវច្បាស់លាស់ និងត្រូវគ្រប់គ្រងឲ្យបាននូវរាល់សកម្មភាពប្រែប្រួលរបស់មុខសញ្ញា។
-ត្រូវយកចិត្តទុកដាក់ខ្ពស់ក្នុងការគាំទ្រ និងជំរុញសកម្មភាពរបស់មន្ត្រីនៃការិយាល័យទំនាក់ទំនងព្រំដែន (BLO)
ឲ្យកាន់តែសកម្ម និងប្រសើរថែមទៀត ជាពិសេសត្រូវយកចិត្តទុកដាក់ " បំប៉នបន្ថែមនូវវគ្គខ្លីៗនៅហ្នឹងកន្លែង
ដើម្បីលើកកម្ពស់សមត្ថភាពក្នុងការងារទំនាក់ទំនងព័ត៌មានជាមួយភាគីមិត្តបានល្អ និងឆាប់រហ័សទាន់ពេល
វេលា។
-មន្ទីរប្រឆាំងបទល្មើសគ្រឿងញៀន និងស្នងការដ្ឋាននគរបាលខេត្តជាប់ព្រំដែនកម្ពុជា-វៀតណាម ត្រូវ៖
+បង្កើតយន្តការទំនាក់ទំនងទាន់ហេតុការណ៍ជាមួយសមភាគីវៀតណាម ដើម្បីផ្លាស់ប្តូរព័ត៌មាន និងសហការ ចាត់វិធានការ បង្ការ ទប់ស្កាត់ និងបង្ក្រាបបទល្មើសគ្រឿងញៀនទាន់ពេលវេលា។
+បង្កើតគណៈបញ្ជាការករណី(ក្នុងករណីចាំបាច់) សំដៅសហការស្រាវជ្រាវតាមចាប់ខ្លួនមេក្លោងកាត់ផ្តាច់ខ្សែរយៈ ឬបណ្តាញឧក្រិដ្ឋជនគ្រឿងញៀន ដើម្បីបង្ក្រាបឲ្យដល់ឬសគល់ ។
- ត្រូវយកចិត្តទុកដាក់ក្នុងកិច្ចសហការជាមួយភាគីមិត្ត ដើម្បីជំរុញការចាប់ខ្លួនឧក្រិដ្ឋជនគ្រឿងញៀនតាមដីកា
របស់តុលាការឲ្យមានប្រសិទ្ធភាពខ្ពស់ ៕
ចំនួនអ្នកទស្សនា
- ថ្ងៃនេះ8361
- ម្សិលមិញ14181
- សប្តាហ៍នេះ8361
- ខែនេះ123511
- ឆ្នាំនេះ123511
- សរុប20565967